Webquest honetan proposatzen dena ikasgelako jardueren osagarri gisa dago pentsaturik. Horregatik, testuak sortzeko jardueretan, hizkuntza saioetan egin ohi den lanari buruzko erreferentziak egin behar dira. Lan honi dagokionez,  azalpen testuen ezaugarriei buruzkoak, alegia.

Webquest hau ikasmaila ezberdinetan  landu daiteke, ikasleen hizkuntz gaitasunen arabera. 

Ikasleen hizkuntz gaitasuna oinarri-oinarrizkoa bada, gomendagarria da jardueretan  ageri diren txantiloiak erabiltzea.  Halaber, 1. Atazako informazioa biltzeko jardueran, ikasle horiek  "oinarrizko informazioa" dokumentura jotzeko aukera dute, beste iturri batzuetara jo beharrik izan gabe.

Baina hizkuntz gaitasun  egokia badute, informazio bilketa nahiz sorrarazi behar dituzten produktuak, hala nola,  foiletoa, jarraibideak... txantiloirik gabe egin ditzakete (txantiloiak lagungarri gisa baino ez daude eta).