ABEL CAMACHO eta PEDRO LONBIDE

Portfolioa ikasgelan: adibide metodologikoak eta erronkak

Asko izaten dira hizkuntzen irakaskuntzan ari diren profesionalen kezka eta arazoak eta aldiro-aldiro horietako batzuei erantzuna emango dien tresna edota baliabide berri bat agertzen da. Oraingoa Europako Kontseiluak sortutako Europako Erreferentzia Markoa da eta horren baitako Hizkuntzen Portfolio Europarra.
Orain arteko baliabideak erabiltzea, askotan, ia ezinezkoa zen hizkuntz irakasleentzat. Bi hauen erabilera, ordea, erraza, emankorra eta begi bistakoa izan daiteke. Hitzaldiaren helburua hizkuntz irakasle batek helduen Hizkuntzen Portfolioa nola, noiz eta zertarako erabil dezakeen aztertzea izango da; jakina, jarduera zehatzak hartuko dira oinarri, askotan gertatu den orokorregikeriatik aldendu nahian. Hori dela-eta, jarduera horiek burutzeko aurrean ditugun erronkak edota arazoak ere agerian utzi eta gainditzeko proposamenak egiten saiatuko gara.